فى لحظة طيش

موضوع: فى لحظة طيش السبت مارس 08, 2008 4:12 pm

فى لحظة طيش
غلطت وقلت بهواكى
ماكدِّبتيش
وقلبك دق جواكى
ماحبتكيش ولا حاجة
لكن جيت لك كما المشتاق
ماانا أصلى بقالى كتير
ماعشتش عيشة العشاق
دى كلمة وقلت اجربها
وجت فيكى
فى لحظة طيش

لقيتك معجبة بيا وقلبى خالى مش مشغول
وكانت نظرتك ليا تحرضنى بإنى اقول
كلام قلبى ماصدقهوش
لكن قلته
فى لحظة طيش

ماحبتكيش وكان ممكن أقابل فى الطريق غيرك
هوايا ف قلبها يسكن لكن حظك يكون دورك
بطولة ف قصة مش بتعيش
وعنوانها
فى لحظة طيش